පෙර දිනෙක රාත්රියෙ
වෙඩි වැදුණු හඳපාන
තවම නුබ ගැබ ඉඳන්
කඳුළු සලනවා ඇති
කටු පඳුරු අතර හිඳ
පිපෙන්නට වෙර දැරූ
මල් කැකුළු වල පැතුම්
තවම තියෙනවා ඇති
කාස්ටක සුවඳ මුසු-වැලි කතර කොනක තව
කුංකුමං පොට්ටුවක්-පිච්ච මල් ගෙත්තමක්
අලුත් හිරු එන තුරා
තවම මග බලනවා ඇති
තල් අරණ මුදුනතේ
පිපුණු තල් මල් සුවඳ
දෙවුන්දර තුඩුවටත්
දැනෙනව ද දන්නේ නැති
-රිද්ම එරංග-
2 comments:
නොපෙනෙන පිටුව මේ අගේට පෙනෙන්නේ....... ජයවේවා... තවත් කයි කාරයෙක්
ජය වේවා!
Post a Comment